ITB China 2026-ის ოფიციალურ გახსნამდე, კულტურის მინისტრის მოადგილე გიორგი მირცხულავა, ეკონომიკისა და მდგრადი განვითარების მინისტრის მოადგილე ირაკლი ნადარეიშვილი და ტურიზმის ეროვნული ადმინისტრაციის წარმომადგენლები საქართველოს პავილიონში ეროვნული სტენდის მოსამზადებელ სამუშაოებს გაეცნენ.
ITB China 2026-ზე საქართველო პარტნიორი ქვეყნის სტატუსით წარდგება.
გამოფენა 26-28 მაისს გაიმართება.
გამოფენის სტუმრები საქართველოს კულტურას, ანსამბლ „რუსთავის“ შესრულებით ქართულ ფოლკლორსა და ტრადიციულ ცეკვას, გასტრონომიას, ღვინის კულტურასა და მრავალფეროვან ტურისტულ პოტენციალს გაეცნობიან.
ITB China 2026 აზიის რეგიონში ერთ-ერთი უდიდესი ტურისტული გამოფენაა, რომელიც წარმოადგენს მნიშვნელოვან პლატფორმას ტურისტული მიმართულებებისა და კულტურის პოპულარიზაციისთვის.
