ემანუელ მაკრონმა „მიუღებელი“ უწოდა ირანის დარტყმებს არაბთა გაერთიანებულ საამიროებზე. ორშაბათს გავრცელებული ინფორმაციით, ახლო აღმოსავლეთში მიმდინარე ომის ფარგლებში, თეირანმა ბოლო ერთი თვის განმავლობაში პირველი იერიში მიიტანა საამიროებზე დრონებისა და ფრთოსანი რაკეტების გამოყენებით.
„ირანის დღევანდელი (ორშაბათის) დარტყმები საამიროების სამოქალაქო ინფრასტრუქტურაზე გაუმართლებელი და მიუღებელია“, — განაცხადა საფრანგეთის პრეზიდენტმა სამშაბათს დილით სოციალურ ქსელ X-ზე. მაკრონმა არაბთა გაერთიანებულ საამიროებს საფრანგეთის მხარდაჭერა დაუდასტურა და კიდევ ერთხელ მოუწოდა მხარეებს ჰორმუზის სრუტის გახსნისა და რეგიონის ქვეყნებისთვის უსაფრთხოების გარანტიების შექმნისკენ.
